Durangoko Iratzarri

DURANGOKO IRATZARRI- ASANBLADA

APIRILAK 10, BARIKUA, 19:00etan
PINONDO ETXEAN

Ei Gazte Zatoz!

Martxoan hasi nahi dituzte eusko jaurlaritzak eta Españako ministerio de fomentok Abiadura Handiko Trenaren obrak gure eskualdean. Kapitalaren onerako eta herritarren  zoritxarrerako Durangaldean egingo duten sarraski ekologikoa izugarria izango da.

Iratzarrik AHTren aurkako borroka lehentasun osokotzat dauka hartuta, horregatik mobilizazio eta ekimen kanpaina abiatu zuen urte hasierarekin, durangaldean indar berezia emanez. Orain mobilizazio garaia da, inoiz baino gehiago indarra eginez AHT gelditzeko. Horretarako konzentrazioa egingo da Bizkaiko iratzarrik deituta.

“Txikizio desarrollista gelditu, AHTrik EZ! Alternatiba dagoelako tren sozialari bai”

Zapatuaren 16an, 17:30etatik aurrera. Eusko jaurlaritzaren Bilboko egoitza nagusiaren aurrean (Gran via 85)

Entzungo gaituzue! AHTrik ez! 

Durangoko Iratzarri gazte erakunde independentistak bere “babesa eta atximendua” adierazi nahi dio pasa den urtarrilaren 22an, Altsasun (Nafarroa) Aralarrek onartu zituen formula eta zerrendei. Iratzarrik uste du “ezker independentista zibil eta zabalaren garaia” dela, eta ziurtatu du “martxoaren 9an hamarnaka mila borondate izango direla Euskal Herriaren alde, ezkerraren alde, eta eskubide zibil eta giza eskubideen urraketen aurka”, eta borondate horiek “Aralarrek bilduko dituela”.

Poz, ilusio eta indarrarekin” hartu du Aralarren gazte erakundeak hautes-deialdi hau, eta “Hego Euskal Herriko lau herrialdeetan mobilizazioa” iragartzen du “gazteriaren ekarpenak biltzeko eta hauei Aralar zein Nafarroa Bairen proposamenak zabaltzeko”, Durangon eta eskualde osoan ere gazteria independentista gorriak kanpaina gogorra prestatuko duela adierazi du, Aralar eta Iratzarriren hautagaiei “babesa eta indarra” emateko.

Durangaldean eta Bizkaian ere bai, ARALAR!

Iazko ekainaren batean hainbat gaztek ekintza baketsua egin zuten, Abiadura Handiko trenaren aurka protestatzeko. Egun hartan, trena orain dela 125 urte Durangora lehenengoz heldu zela ospatzeko, lurrun trenez etorri ziren gure herrira Eusko Jaurlaritzako eta Eusko Treneko zenbait ordezkari, Lopez de Gereñu Garraio Sailburua tartean.

Pertsona bi trenbidean kateatu ziren trenaren bidaia geratzeko asmoz eta ondoan beste batzuk pankarta zabaldu zuten, informazioa eta herri galdeketa egiteko eta AHTa geratzeko eskatuz. Desobedientzia zibileko ekintza izan zen, guztiz publikoa eta baketsua eta orain, datorren astelehenenan, hilak 21, trenbidean kateatu ziren lagun biak epaituko dituzte Durangon.

Ekintza honek salatzen zuen informazio faltak oraindik indarrean jarraitzen du. Izan ere, komunikabideen bidez informazioa eman beharrean beraien interesen aldeko izugarrizko propaganda kanpaina egiten ari dira. AHTren inguruan ematen ari diren datuek ez dute errealitatea izango dena islatzen, hau da, datu batzuk agerian eta garrantzitsuenak ezkutuan ixten dute.

Badirudi beldurtuta daudela, izan ere, Euskal Herriko hainbat herritan AHTren aurkako taldeek aurrera eraman duten informazio kanpainak direla eta oposizioa geroz eta handiagoa da.

Halan be, zaila dute guri sinistaraztea Lurra txikituz amalurra babestuko dutela.

Super Surra, A8 zalbaltzea, Durango-Beasain eta Eibar Gasteiz autopistak, Jaizkibelgo superportua. Zertarako hainbeste azpiegitura AHTk kotxeen trafiko guztia soluzionatu behar dauela esaten badute? Euskal Herriko zein Espiniako jauntxoen ekonomiaren alde eraiki eta eraiki besterik ez dute buruan, herriaren interes eta beharrak kontutan hartu gabe: Hezkuntza, osasuna, etxebizitza… AHT da beraiek inposatu nahi diguten kapitalismo basatiaren adibiderik argiena.

Amalurra ez da zaharrengandik jasotzen den herentzia, hurrengo belaunaldiengandik maileguan hartutako ondarea baizik. Beraz, ez diegu txikizio hau egiten utzi behar. Bada erokeri honi ezetza erakusteko garaia. Gure herriak suntsitu nahi dutenei gure desobedientzia erakusteko unea da. Etorkizuna gure esku dago!!!

Beraz, urtarrilaren 21ean goizeko 10:30etan epaitegiaren aurrean egingo den konzentraziora joatera gonbidatzen zaituztegu.

IRATZARRI ERE ZUEKIN DAGO!!

ETORKIZUNA EZKERRETIK DATOR, PASA ZAITEZ GORRIETARA!!

Ostirala hilak 18, Durangoko Iratzarrik bere lehenengo asanblea egingo du.

Arratsaldeko 19.00etan izango da, Durangoko kultur etxean, hau da, Pinondo Etxea. Asnablada honetan gehien bat AHTari buruz hitz egingo dugu eta hau amaitu ostean kanpainari hasiera ofiziala emango diogu.

Deialdi hau, 16 eta 30 urteko gazteei zuzenduta dago, eta noski Aralar sortzen dutenen gazteentzako baita ere.

Ea animatzen zareten!!

Pasa zaitez gorrietara!!

Gora Durango ezkertia!!

Ez da berria AHTk edo “euskal Y” moduan ezagutzen dugunak Durangaldean ekarriko duen txikizioa; hamarnaka kilometroko hesi zabala eskualdea zeharkatzen, zaratak, urteetako obrak, milaka tona material biltzeko zabortegi erraldoiak… naturak eta mugikortasunak behar eta merezi ez duten kapitalista eta neoliberalen opari bortitza. AHTa inposatzen dutenek, Espainiako gobernuak, Eusko jaurlaritza eta Nafarroako gobernuaren laguntzarekin, zarrastelkeria elitistaren trena indarrez ezarri nahi dute, euren jarrera antidemokratikoa erakutsiz, Elorrion eta Anoetan ospatu ziren herri galdeketak oztopatzen saiatu ziren bezala. Proiektu txikitzaile honen kontra gaudenon kriminalizazioa bilatzeaz gain, existitzen ez den gehiengo sozial batez hitz egiten digute, behin eta berriz, gezurretan oinarrituz eztabaida soziala sahiesteko.

Azken egunotan AHTren bultzatzaile nagusiak, espainiako sustapen ministroak, argi utzi digu gainera gobernu zentralaren benetako “lehentasuna” eta “nahia” nazio guztia burdinezko kableekin jostea, batzea eta konektatzea dela, horrela denok espainiarrago sentitu gaitezen. Euskal gazteria, ordea, ez da ez espainiar, ez txikitzaile, eta abiadura haundiko kolonizazioari oinak gelditzea lortzeko antolatzen dakiela erakutsiko du.

Iratzarri gazte erakundeak, aralarren gazte erreferenteak, beraz, gure lurraren defentsaren aldeko borroka honi eta Euskal Herriak behar duen trenbide sare sozial baten defentsari lehentasun osoa ematea erabaki du; AHT gelditzea badago, are gehiago, AHT geldituko dugu! Herritarren gehiengoaren indar metaketatik eta herri erresistentzia molde ezberdinen bitartez bakarrik gelditu daitekeelako Abiadura Haundiko Trena bezalako proiektu txikitzailea.

Arazo batzuk direla medio Durangoko Iratzarrik atzeratu izan behar du 2008ko Urtarrilaren 11ean egin behar zuen asanblada. Informatuta izango zaituztegu.+Iratzarri eta + Bizkaiko Iratzarri

Eskerrik asko!!

Durangoko iratzarriren asanbladak orrialdea estreinatu du herriko eta inguruko gazteekin hartu-eman zuzena edukitzeko eta garatzen dituen ekimenen berri emateko.

Durangoko eta inguruko gazteengana iristea da gure helburu nagusia. Gurekin kontaktu zuzena izan nahi duenak e-mail bat idatzi dezake durango@iratzarri.org helbidera, zabalik gaude egiten dituzuen ekarpen guztiei.

Iratzarrik, gazteriari dei egiten dio dituen arazoen aurrean antolatu dadin injustizien aurrean borrokatu eta hauek iraultzeko.Gauzak ez dira diren bezala, gauzak aldatu nahi ditugula eta aldatu ditzakegu, horretarako instrumentua da Iratzarri.

Espero dugu, AHTren aurka eta tren sozialaren alde estreinatzear gauden kanpainan bat egin dezazuela Iratzarri Gazte Erakundearekin, eta herri guztiarekin, AHTaren gaia, guztion gaia baita. Durangoko Iratzarrik ere AHTrik EZ! dio.

Iratzarri zaitez, bat egin gurekin www.iratzarri.org en izena eman, eta ausartu zaitez Durangoren gazte egoera aldatzen Durangoko Iratzarrirekin.

Pasa zaitez gorrietara!!
Gora Durango ezkertiarra!!