Filed under: Agenda
Anima zaitezte Durangaldeko asanbladara, gazte guztiei dei egiten diegu etor daitezen
Astelehena Ekainak 8, arratsaldeko 19.00etan Durangoko Udaletxean.
Hator!!
AURKEZPENA Durango. 2009ko ekainaren 04a, 16:38 Durangaldeko Iratzarri aurkeztu dute, asteon, Bizkaiko arduradun Iraide Sanchez, eskualdeko koordinatzaile Markel Ganboak eta Aralarreko Durangoko zinegotzi Iker Urkizak.
Anboto Astekaritik ateratako informazioa
“Durangaldeko arazoei ezkerretik aurre egiteko” sortu zen Iratzarri 2004an, “kolore guztietako gazte ezkertiar eta independenteak batuz eskualdeko Aralarren gazte erreferentea”. Desobedientzia zibila erabiliz egungotik bestelakoa izango den sistema sortu gura dute eta gazteriaren bilgunea izan, “eztabaida sustatu eta suspertuz”. Asanblearismoaren aldekoa da Iratzarri, diotenez, eta mugimendu sozialetan sinesten dute.
Iratzarrik bat egiten du EHGAMek eta Gaztehgamek antolatutako ekintzekin, eta han egongo dela adierazi du “Euskal Herria jasaten ari den homofobia, transfobia eta lesbofobia behin betiko amaitu behar den gauza bat da, eta horrelako ekimen eta erakundeak behar dira, kasuok behin betiko amaitzeko”. Beraz Durangalde guztiari eta batez ere gazteria guztiari dei egiten dio Maiatzak 16an Durangora etortzeko eta EHGAM eta Gaztehgamen ekitaldietan parte hartzeko.
Filed under: Agenda
Durangaldeko Iratzarrik egungo testuinguru sozioekonomikoan aldaketa sakonen beharra aldarrikatzen du, eta ELA sindikatuak zapatu honetarako, hilaren 9rako deitutako manifestazioarekin bat egiten du. Ezkurditik abiatuko da manifestazioa arratsaldeko 17:30etan.
Era berean, datorren Maiatzaren 21eko greba orokorrean mobilizatzeko deia egiten dio Durangaldeko gazteriari.
Filed under: Agenda
Durangaldeko Iratzarrik asanblada bat egingo du Apirilaren 16an Durangoko Udaletxean elkartuko gara 19:30etan. 30 urtetik beherako gazteei zabalik dago deialdia.
Anima zaitezte!!
Sare Antifaxistak Durangon egingo duen konzentrazioarekin bat egiten dute bai Aralarrek bai Iratzarrik. Faxismoaren aurrean, Oroimena, Duintasuna eta Borroka, lemapean egingo den konzentraziora deitzen diegu faxismoaren aurka dauden gazte guztiei deialdia, Zapatua hilak 28 eguerdiko 12.30etan Andra Mariko elizpean izango da. Horrez gainera, 10ak aldera haima bat jarriko dute Durango eta hurbiltzen diren guztiei informazioa zabaltzeko. ANIMA ZAITEZ!!
Irudia ardatzhartuta,euskal kulturaren aurpegi guaztiak Azokan
“DURANGOKO IRATZARRIK GAZTE GUZTIAK DEITZEN DITU AZOKARA”
Durangoko Iratzarrik, Gerediaga Elkartearekin bat egiten du eta gazte guztiak deitzen ditu 5, 6, 7 eta 8an antolatutako ekintza guztietan parte hartzera, “Iratzarriren ustean eskaintza zabala da aurtengoa, bai musika mailan baita ere literatur mailan” Durangora etortzera deitzen da uste delako, gazteok dugula etorkizunaren giltza, eta etorkizun horretan gure euskal kultura ere sartzen da. 43. Liburu eta Disko azokak, aurtengoan, kulturaren aurpegi guztiak ardatz harturik aurkezten digute, eta aipatu bezala gazteok izan gaitezke aurpegi bat. Bai musika eta literatur mailan gazte ugari sartzen ari da eta haiei gure babes osoa eman behar diegu.
Ezinbestekoa ikusten dugu Gerediaga Elkarteari eskerrak emotea gazteak kontutan izan dabelako, gazteei zuzenduriko egitaraua indartu egin dute, beraz aspertzeko betarik ez dugu izango gazteok. ANIMA ZAITEZTE!!
Filed under: Agenda, Berriak, Ekimenak, Iratzarri, Mobilizazioak, Txikizio desarrollistari oinak gelditu. AHTrik EZ!!
Gelditour-a Durangora heldu zen astelehenean. Ikasleak 2 orduko paroia egin genuen eta kamioiara gerturatu ginen non aukera izan genuen AHT Gelditu Elkarlanak egindako bideoa eta superestruktura kapitalista zikin honek egingo dituen kalteen erakusketa bat ikusteko. Egun osoan zehar egon da erakusketa eta bideo ikusteko aukera.
Aratsaldean bizikleta martxa bat burutu zen Elorriotik Durangora eta apur bat geroago konzentrazio bat egin zuten batzoki aurrean 80 pertsona inguru eta bukaera emateko giza kate bat. Durangoko Iratzarrik ekimen hauei babes osoa eman zien eta ekimen guztietan Iratzarrikideak egon ziren, inposizioa salatzeko eta euskal gobernuari eztabaidabat sor dezan eskatzeko.
AHTa GELDITUKO DUGU!!
DURANGOKO IRATZARRI- ASANBLADA
APIRILAK 10, BARIKUA, 19:00etan
PINONDO ETXEAN
Ei Gazte Zatoz!
Filed under: Agenda, Iratzarri, Mobilizazioak, Txikizio desarrollistari oinak gelditu. AHTrik EZ!!
Iazko ekainaren batean hainbat gaztek ekintza baketsua egin zuten, Abiadura Handiko trenaren aurka protestatzeko. Egun hartan, trena orain dela 125 urte Durangora lehenengoz heldu zela ospatzeko, lurrun trenez etorri ziren gure herrira Eusko Jaurlaritzako eta Eusko Treneko zenbait ordezkari, Lopez de Gereñu Garraio Sailburua tartean.
Pertsona bi trenbidean kateatu ziren trenaren bidaia geratzeko asmoz eta ondoan beste batzuk pankarta zabaldu zuten, informazioa eta herri galdeketa egiteko eta AHTa geratzeko eskatuz. Desobedientzia zibileko ekintza izan zen, guztiz publikoa eta baketsua eta orain, datorren astelehenenan, hilak 21, trenbidean kateatu ziren lagun biak epaituko dituzte Durangon.
Ekintza honek salatzen zuen informazio faltak oraindik indarrean jarraitzen du. Izan ere, komunikabideen bidez informazioa eman beharrean beraien interesen aldeko izugarrizko propaganda kanpaina egiten ari dira. AHTren inguruan ematen ari diren datuek ez dute errealitatea izango dena islatzen, hau da, datu batzuk agerian eta garrantzitsuenak ezkutuan ixten dute.
Badirudi beldurtuta daudela, izan ere, Euskal Herriko hainbat herritan AHTren aurkako taldeek aurrera eraman duten informazio kanpainak direla eta oposizioa geroz eta handiagoa da.
Halan be, zaila dute guri sinistaraztea Lurra txikituz amalurra babestuko dutela.
Super Surra, A8 zalbaltzea, Durango-Beasain eta Eibar Gasteiz autopistak, Jaizkibelgo superportua. Zertarako hainbeste azpiegitura AHTk kotxeen trafiko guztia soluzionatu behar dauela esaten badute? Euskal Herriko zein Espiniako jauntxoen ekonomiaren alde eraiki eta eraiki besterik ez dute buruan, herriaren interes eta beharrak kontutan hartu gabe: Hezkuntza, osasuna, etxebizitza… AHT da beraiek inposatu nahi diguten kapitalismo basatiaren adibiderik argiena.
Amalurra ez da zaharrengandik jasotzen den herentzia, hurrengo belaunaldiengandik maileguan hartutako ondarea baizik. Beraz, ez diegu txikizio hau egiten utzi behar. Bada erokeri honi ezetza erakusteko garaia. Gure herriak suntsitu nahi dutenei gure desobedientzia erakusteko unea da. Etorkizuna gure esku dago!!!
Beraz, urtarrilaren 21ean goizeko 10:30etan epaitegiaren aurrean egingo den konzentraziora joatera gonbidatzen zaituztegu.
IRATZARRI ERE ZUEKIN DAGO!!
ETORKIZUNA EZKERRETIK DATOR, PASA ZAITEZ GORRIETARA!!
